آج الامین کیمپس میں بڑے پیمانے پر ایک جاب فیئر کا اہتمام کیا گیا جس میں 20 بڑی کمپنیوں کے انسانی وسائل کے اہلکار آئے ہوئے تھے، جن میں کچھ آئی ٹی اور کچھ ملٹی نیشنل کمپنیوں کے نمائندے بھی رہے ہیں۔
الامین کالج کے علاوہ شہر کے دیگر کالجز کے طلبا نے بھی اس جاب میلے میں حصہ لیا اور انٹرویو دیا جن میں 70 فیصد طلبا نے اپنی قابلیت کی بنا پر آفر لیٹرز حاصل کیے۔
اس موقع پر الامین ایجوکیشنل سوسائٹی کے سیکرٹری سبحان شریف نے کہا کہ 'تحریک الامین کی ہمیشہ سے یہ کوشش رہی ہے کہ ہم ملت کے نوجوانوں کو نہ صرف عمدہ تعلیم و تربیت سے آراستہ کریں بلکہ انہیں بہتر روزگار کے بھی مواقع فراہم کریں اور یہ جاب فیئر اسی جہت کی ایک اہم پیشرفت ہے۔
کالیج کے پرنسپل بی ایم ذاکر کا کہنا تھا کہ 'جن طلبا کو جاب آفر ملے ہیں ان کی شروعاتی سالانہ سیلری پیکیج 3 لاکھ ہے جو کہ ابتداء میں نہایت معقول ہے'۔
کالج کی پلیسمنٹ آفیسر نے بتایا کہ 'کالج میں طلباء کو مجاز و لائق بنانے کے لیے اضافی طور پر موڈیومس سکھائے جاتے ہیں جس سے ان میں ٹیلینٹ بڑھتا ہے اور ان میں خود اعتمادی کا جزبہ بحال ہوتا ہے'۔