گلبرگہ: ضلع میں کووڈ کی صورت حال پر جائزہ میٹنگ

کرناٹک کے ضلع گلبرگہ میں کورونا متاثرین کی تعداد میں دن بدن اضافہ ہوتا جارہا ہے، جس سے یہاں کے اسپتال میں بیڈس اور آکسیجن نہیں مل رہا ہے۔ جس کے سبب کئی افراد کی موت ہورہی ہے۔

کووڈ کی صورت حال کا جائزہ لینے کے لیے ضلع ڈپٹی کمشنر آفس ہال میں میٹنگ منعقد ہوئی۔ میٹنگ میں رکن پارلیمان اومیش جادو، کے کے آر ڈی بی صدر دتاترا پاٹل، رکن اسمبلی کنیز فاطمہ موجود رہیں۔

رکن اسمبلی کنیز فاطمہ نے کہا کہ عوام کو گھبرانے کی کوئی ضرورت نہیں ہے۔ تمام طرح کی تیاریاں کی جا رہی ہیں اور آکسیجن کی کمی کو جلد پورا کرلیا جائے گا۔

ضلع افسران کے ساتھ کووڈ سے متعلق تمام طرح کی معلومات حاصل کی جا رہی ہے۔ ضلع بھر میں جگہ، جگہ کووڈ سینٹر بھی قائم کے جارہے ہیں۔

ساتھ ہی انہوں نے اپیل کی ہے کہ عوام زیادہ سے زیادہ اپنا ٹسٹ کروائے، کورونا وائرس سے بچنے کے لئے پوری طرح سے احتیاطی تدابیر اختیار کریں۔ ماسک اور سینیٹائیزر کا استعمال کریں۔