یادگیر: ویکسینیشن سینٹر پر کھانے کا انتظام

ریاست کرناٹک کے ضلع یادگیر میں کورونا ویکسینیشن سینٹر پر کھانے کا اہتمام کیا گیا ہے۔

یادگیر کے رکن اسمبلی وینکٹ ریڈی کی جانب سے ویکسینیشن کے لیے آنےوالے افراد کے لیے سینٹر پر کھانے اور پانی کا بھی انتظام کیا گیا ہے۔

اس موقع پر بی جے پی کی خاتون رہنما سُنیتا چوہان نے بتایا کہ بیڈی ورکرز ہسپتال میں کورونا ویکسین لینے والے مرد و خواتین کو رکن اسمبلی وینکٹ ریڈی کے حامیوں کی جانب سے مفت کھانا اور پینے کا پانی دیا گیا۔

انہوں نے کہا کہ اس کے علاوہ رکن اسمبلی وینکٹ ریڈی کی جانب سے یادگیر سرکاری کووڈ ہسپتال اور غیر سرکاری ہسپتالوں میں بھی کھانا اور پانی کی فراہمی کی جا رہی ہے۔