'مولانا آزاد نے ہی جدید بھارت میں نئے نظام تعلیم کی بنیاد رکھی'

گلبرگہ ضلع کانگریس پارٹی آفس میں مولانا ابوالکلام آزاد کے یوم پیدائش کے موقع پر یوم تعلیم کا اہتمام کیا گیا۔

مولانا ابوالکلام محی الدین احمد آزاد المعروف ابوالکلام آزاد (پیدائش سنہ 11 نومبر 1888ء - وفات سنہ 22 فروری 1958ء) آزاد ہند کے پہلے وزیرِ تعلیم، بے باک صحافی، مفسر قرآن، معروف عالم دین، کامیاب سیاست داں، نامور ادیب اور ماہر تعلیم تھے۔

گلبرگہ ضلع کانگریس پارٹی آفس میں مولانا ابوالکلام آزاد یوم پیدائش کے ضمن میں یوم تعلیم منایا گیا۔ جس میں ہر ایک کے لیے تعلیم کی فراہمی پر زور دیا گیا۔

اس موقع پر گلبرگہ ضلع کانگریس پارٹی کے صدر جگد یوگتہ دارنے کہا 'مولانا ابوالکلام آزاد نے ملک کی آزادی کے لئے مہاتما گاندھی جی ساتھ مل کر کئ خدمات انجام دئے ہیں'۔

انھوں نے کہا ہے کہ 'مولانا آزاد ہی نے جدید بھارت میں نئے نظام تعلیم کی بنیاد رکھی'۔

'مولانا آزاد نے ملک میں الہلال اور البلاغ جیسے اخبارات شروع کر کے انگریزوں کے خلاف ملک کی آزادی کے لوگوں میں شعور پیدا کیا اور خود بھی عملی جدوجہد مںی حصہ لیا'۔

مولانا آزاد نے ملک کے پہلے وزیر تعلیم بن کر تعلیمی میدان میں لازوال خدمات انجام دئے ہیں۔