منگلور: سڑک حادثے میں چھ افراد ہلاک، متعدد زخمی

ریاست کرناٹک کے منگلور شہر میں ایک دلدوز سڑک حادثہ پیش آیا۔ جہاں ایک پرائیویٹ بس سڑک حادثہ کا شکار ہو جانے سے چھ افراد ہلاک اور متعدد زخمی ہو گئے۔ جنہیں علاج کے لیے اسپتال میں داخل کرایا گیا۔

بس میں سوار لوگ شادی تقریب کے لیے جا رہے تھے۔ دراصل یہ بس سلیا سے پناتھورو جا رہی تھی۔ پناتھوروکلاپلی کے قریب بس حادثے کا شکار ہو گئی۔

یہ بس پتور کی سرکشا ایجنسی کی تھی۔ پناتھوروکلاپلی کے قریب بس ڈرائیور کے قابو سے باہر ہوجانے کی وجہ سے بس ایک گھر میں جا ٹکرائی۔

حادثے میں چھ افراد ہلاک اور متعدد افراد شدید طور پر زخمی ہو گئے اور کچھ افراد کو ہلکی چوٹیں آئی ہیں۔ جنہیں علاج کے لیے ہسپتال میں داخل کرایا گیا۔ اس معاملے میں راج پورم پولیس اسٹیشن میں مقدمہ درج کیا گیا ہے۔