یادگیر: لاک ڈاؤن میں توسیع نہیں ہوگی

ضلع یادگیر میں کورونا وائرس لاک ڈاؤن میں مزید توسیع نہیں کی جائے گی۔

کورونا وائرس کے متاثرین میں مسلسل اضافے کے پیش نظر کرناٹک کے یاد گیر میں لاک ڈاؤن نافذ کیا گیا تھا جو 22 جولائی کو رات آٹھ بجے ختم ہونے والا ہے.

ضلع یادگیر ڈپٹی کمشنر کرما راؤ نے ایک حکمنامہ جاری کرتے ہوئے بتایا کہ ضلع یادگیر میں لاک ڈاؤن میں توسیع نہیں کی جائے گی جبکہ شام آٹھ بجے سے صبح پانچ بجے تک کرفیو برقرار رہے گا اور ہر اتوار کو مکمل لاک ڈاؤن رہے گا۔

واضح رہے کہ شہر کی کئی تنظیموں نے ڈپٹی کمشنر سے اپیل کی تھی کہ لاک ڈاؤن میں توسیع نہ کی جائے۔