'علاقائی زبان کو سیکھنا نہایت ضروری'

کرناٹک میں مختلف اسکیموں کے اعلانات اور فارم بھی علاقائی زبان کنڑ میں ہوتے ہیں۔ زبان سے عدم واقفیت کی وجہ سے عام لوگوں کو، خاص طور سے مسلم نوجوانوں کو کافی مشکلات کا سامنا کرنا پڑتا ہے۔

ریاست کرناٹک کے ضلع یادگیر کے عبدالرؤف سپرنٹنڈنٹ آف پولیس نے میڈیا سے بات کرتے ہوئے کہا کہ اکثر ہم دیکھتے ہیں کہ مسلم نوجوانوں کو خاص کر طلبا و طالبات کو کنڑ زبان میں لکھنا، پڑھنا اور بات کرنے نہیں آتا جس کی وجہ سے وہ مختلف جگہوں پر ناکام ہوتے ہیں۔

عبدالرؤف کا کہنا ہے کہ کنڑ ریاستی زبان ہونے کے سبب حکومت کے سارے اعلانات کنڑ زبان میں ہی آتے ہیں۔ مختلف اسکیموں کے اعلانات اور فارم بھی علاقائی زبان میں ہوتے ہیں، جس کی وجہ سے عام لوگوں کو خاص کر مسلم نوجوانوں کو کافی مشکلات کا سامنا کرنا پڑتا ہے۔ اس لیے طلبہ کو چاہیے کہ وہ کسی بھی میڈیم سے تعلیم حاصل کر رہے ہوں مگر انہیں چاہیے کہ وہ علاقائی زبان پر بھی عبور حاصل کریں۔

انہوں نے کہا کہ سرکاری نوکریوں کی جگہ پر کنڑ زبان میں ماہر ہونا نہایت ضروری ہے۔ کام کاج اور تمام دستاویزات علاقائی زبان میں ہونے کی وجہ سے کنڑ زبان میں ماہر ہونا نہایت ضروری ہے۔ اس لئے میں طلبہ سے التماس کرتا ہوں ہو کہ وہ انگلش، اردو کے ساتھ ساتھ کنڑ زبان میں بھی محنت کریں۔