گلبرگہ: انسداد منشیات کے عالمی دن پر منشیات مخالف مہم کا آغاز

ریاست کرناٹک کے ضلع گلبرگہ میں انسداد منشیات کے عالمی دن کے پیش نظر گلبرگہ سٹی پولیس کی جانب سے نشہ مخالف مہم چلائی گئی۔

ریاست کرناٹک کے گلبرگہ شہر میں انسداد منشیات کے عالمی دن کے پیش نظر جگت سرکل میں گلبرگہ سٹی پولیس عہدیداروں کی جانب سے عوام کو نشہ سے ہونے والے نقصانات کے متعلق بیداری مہم کا آغاز کیا گیا۔

اس دوران نشہ سے ہونے والے نقصانات کے متعلق شہر کے مختلف علاقوں میں گھوم گھوم کر عوام میں بیداری لانے کے لئے 'نشہ موکت ابھیان' گاڑی کو ہری جھنڈی دیکھا کر روآنہ کیا گیا، اس موقع پر گلبرگہ کے اے سی پی انوش کمار نے کہا کہ نوجوان ڈرگس، گانجہ جیسی نشیلی اشیاء کے عادی ہوکر اپنی زندگی برباد کررہے ہیں۔

انہوں نے کہا کہ نشہ کرنے سے صرف گھر ہی نہیں بلکہ معاشرہ اور نسلیں بھی تباہ ہو جاتی ہیں، شہر میں نشیلی اشیاء کے استعمال سے جرائم میں آضافہ ہورہا ہے، والدین کو بھی اپنے بچوں پر توجہ دینے کی ضروت ہے۔

انہوں نے کہاکہ شہر میں اگر کہیں بھی ڈرگس، کانجہ جیسی نشیلی اشیاء کو فروخت کر نے کی اطلاع ملتی ہے تو فورا عوام گلبرگہ سٹی پولیس کو 112، 1098 پر اطلاع دے سکتے ہیں۔