سرکاری ہسپتال میں ڈاکٹرز کی کمی

ریاست کرناٹک کے ضلع یادگیر کے سرکاری ہسپتال میں ہر روز مختلف دیہاتوں سے 300 سے 400 مریض آتے ہیں۔

مگر یادگیر کے سرکاری ہسپتال میں سہولیات نہیں ہونے کی وجہ سے مریضوں کو گلبرگہ اور رائچور بھیجا جاتا ہے۔

لیکن ہسپتال انتظامیہ کی جانب سے ایمبولنس کی سہولت نہیں ہونے کے سبب شہریوں کو مریضوں کو علاج کے لیے دور دراز کے ہسپتال لے جانے میں مشکلات کا سامنا کرنا پڑتا ہے۔

تنظیم کولی سماج یادگیر کے صدر ڈاکٹر امیش نے ای ٹی وی بھارت سے بات کرتے ہوئے بتایا کہ 'یادگیر ضلعے کے سرکاری ہسپتال میں ماہر ڈاکٹرز نہیں ہونے کی وجہ سے عوام کو کافی پریشانی ہو رہی ہے۔'

انہوں نے کہا کہ 'ہر روز ضلع کے سرکاری ہسپتال میں 300 سے 400 مریض علاج کے لیے آتے ہیں۔'

انہوں نے حکومت سے مطالبہ کرتے ہوئے کہا کہ 'یادگیر کے سرکاری ہسپتال میں تمام امراض کے ماہر ڈاکٹرز و دیگر سہولیات مہیا کرائی جائے۔'

واضح رہے کہ حکومت کی جانب سے 150 بیڈز والا سرکاری ہسپتال ابھی زیر تعمیر ہے۔