وزیراعلیٰ یدی یورپا نے کہا کہ عام زندگی کو آہستہ آہستہ بحال کیا جائے گا جبکہ ریاست کے کچھ کورونا وائرس سے متاثرہ علاقوں کو چھوڑ کر دیگر علاقوں مقامات پر جزوی طور پر لاک ڈاون میں نرمی دی جائے گی۔
انہوں نے کہا کہ دو پہیوں والی گاڑیوں اور کاروں کو سڑکوں پر چلنے کی اجازت رہے گی۔
بیان میں کہا گیا کہ صرف ایک تہائی آئی ٹی۔بیٹی ملازمین کو دفاتر جانے کی اجازت رہے گی جبکہ بقیہ اسٹاف گھر سے کام کریگا۔
ریاست میں تعمراتی سرگرمیوں کو بھی شروع کیا جائے گا جبکہ مزدوروں کےلیے رہائش سمیت دیگر سہولیات کا انتظام کرنا شرائط میں شامل رہے گا۔
ریاست میں 3 مئی تک تمام مالز، تھیٹرز، شورومز بند رہیں گے اور ضلعی سطح پر سفر کی اجازت بھی نہیں رہے گی۔
لاک ڈاون کے دوران ریاست بھر میں دفعہ 144 برقرار رہے گا اور ماسک پہننا لازمی ہوگا۔ عوامی مقامات پر تھوکنے پر جرمانہ عائد کیا جائے گا۔
بیان میں ضعیف اور بیمارافراد کو آئندہ تین ماہ تک گھروں میں ہی رہنے کا مشورہ دیا گیا ہے۔
