Minister Rahim Khan اوڈیشہ ٹرین حادثے کے پیش نظر بیدر میں وزرا کے اعزاز میں منعقدہ استقبالیہ تقریب ملتوی

بیدر میں ضلع کانگریس کی جانب سے کابینہ کے وزراء ایشور کھنڈرے اور رحیم خان کے اعزاز میں ہونے والے استقبالیہ پروگرام ملتوی کر دیا گیا ہے۔ اگلی تاریخ کا جلد ہی اعلان کیا جائے گا۔ اس موقعے پر دونوں وزرا نے اوڈیشہ میں ہوئے ریل حادثے میں ہلاک شدگان کے لیے تعزیت کا اظہار کیا۔

بیدر: ریاست کرناٹک میں ضلع بیدر میں ضلع کانگریس کی جانب سے کابینہ کے وزراء ایشور کھنڈرے اور رحیم خان کے اعزاز ہونے والے استقبالیہ پروگرام ملتوی کر دیا گیا ہے۔ اگلی تاریخ کا جلد ہی اعلان کیا جائے گا۔ استقبالیہ تقریب کے ملتوی یونے کے بعد وزرا نے اوڈیشہ میں ہوئے ریل حادثے میں ہلاک شدگان کے لیے اظہار تعزیت کیا۔

ریاستی وزیر برائے منسپل ایڈمنسٹریشن و حج رحیم خان نے اپنے ایک بیان میں کہا کہ اڈیشہ میں پیش آئے بھیانک ٹرین حادثے سے ہمیں کافی دلی تکلیف پہنچی ہے۔ حکومت کرناٹک اس المناک ترین حادثہ میں جان گنوانے والے افراد کی موت پر تعزیت کرتی ہے۔ ہلاک شدگان کے اہل خانہ کہ دکھ درد میں ہم برابر کے شریک ہیں۔

انہوں نے کہا کہ حکومت کرناٹک اس حادثے میں ہلاک ہونے والے لوگوں کے رشتہ داروں کی ہر ممکن تعاون کی کوشش کر رہی ہے۔ انہیں مدد پہنچانے کی کوشش کی جا رہی ہے تاکہ انہیں کسی بھی قسم کی کوئی پریشانی نہ ہو۔ ریاستی وزیر اعلی کرناٹک ایک ٹیم تشکیل دے کر اس پورے حادثہ پر گہری نظر رکھے ہوئے ہیں۔

وزیر برائے جنگلات وہ ماحولیات ایشور کھنڈرے نے کہا کہ اڈیشہ ٹرین حادثے میں ہلاک شدگان کے لیے تعزیت پیش کرتے ہیں۔ یہ ضروری ہے۔ زخمیوں کے لیے جلد صحتیابی کے لیے دعائیں کرتے ہیں۔ انہوں نے مزید کہا کہ امید کرتے ہیں کہ مستقبل میں اس طرح کا بھیانک حادثہ دوبارہ پیش نہ آئے۔