کرناٹک مسلم ایمپلائز ایسو سی ایشن کی سالانہ ڈائری 2021 کا اجراء

ریاست کرناٹک کے گلبرگہ شہر کے قلب میں واقع ہدایت سنٹر میں کرناٹک اسٹیٹ گورنمنٹ مسلم ایمپلائز ایسو سی اسوسی ایشن کی جانب سے سالانہ ڈائری 2021 کا اجراء عمل میں آیا۔

اجراء کے اس موقع پر کورونا وائرس وبا کے دوران خدمات انجام دینے والے کورونا واریئرس کے ساتھ ساتھ اس مشکل وقت میں سماجی، تعلیمی، صحافی میدان میں بھی خدمات انجام دینے والوں کی ستائش کرتے ہوئے انھیں تہنیت پیش کی گئی۔

ڈاکٹر شیخ شاہ محمد افضل الدین جنیدی معروف سراج بابا جانشین سجادہ نشین بارگاہ شیخ دکن گلبرگہ اور کنیز فاطمہ قمر اسلام (رکن اسمبلی گلبرگہ شمال) کے ہاتھوں ڈائری کا اجراء کیا گیا۔

رسم اجراء میں ڈاکٹر سدپا شیوا چاریہ سرینواس، بلی رام مہاراج، کرناٹک اسٹیٹ گورنمنٹ مسلم ایمپلائز اسوسی ایشن کے صدر و اراکین سمیت متعدد ملی و سماجی شخصیات نے شرکت کی۔

اسوسی ایشن کے نائب صدر نواب خان نے کہا تنظیم کا اہم مقصد اقلیتی طبقے کی تعلیمی و سماجی میدان میں ترقی کے لیے ہر مکمن کوشش کر نا ہے اور اس تنظیم کے ذریعے تمام مسلم ملازمین کو ایک پلیٹ فارم پر لا کر اقلیتی طبقے کی ترقی کے لیے فکر پیدا کرنا ہے۔

انہوں نے مزید کہا کہ آج مسلم طبقے کے کئی مسلم افسران اعلیٰ عہدوں پر فائز ہیں۔ اس تنظیم کا ایک مقصد یہ بھی ہے کہ اقلیتی طبقہ کو حکومت سے ملنے والی ہر سرکاری اسکیموں کے متعلق معلومات فراہم کرنا ہے۔

نواب خان نے یہ بھی کہا کہ اس تنظیم کی بنیاد سنہ 2005 میں رکھی گئی تھی اور آج اس تنظیم سے متعدد مسلم سرکاری ملازمین وابستہ ہوچکے ہیں۔