'ریاستی بجٹ سے اقلیتوں کو مایوسی'

ریاست کرناٹک کے 2020-21 کے سالانہ بجٹ پر اظہر ریحان، چیئرمین ضلع کانگریس مائناریٹی بیدر نے افسوس کا اظہار کرتے ہوئے ای ٹی وی بھارت کو بتایا کہ ریاست کرناٹک کا سال 2020-21 کا بجٹ اقلیت مخالف بجٹ ہے۔

اظہر ریحان نے کہا کہ 'یہی نہیں کسانوں، دلتوں، پسماندہ طبقات کو مایوس کرنے والا یہ بجٹ ہے'۔

انہوں نے مزید کہا کہ 'ریاست کی بی جے پی حکومت کے پاس اقلیتوں کی فلاح و بہبود اور ان کی ترقی کے لیے ایک مسلم قائد بھی نہیں ہے جس کو اقلیتی وزیر بنایا جائے۔'

یہاں تک کہ کرناٹک اردو اکیڈیمی کا بھی ابھی تک چیئرمین کا انتخاب عمل میں نہیں آیا ان سب باتوں سے یہ ظاہر ہوتا ہے کہ ریاست ریاستی اقلیتوں کے لیے غیر سنجیدہ ہے۔