کرناٹک : لاک ڈون سے پریشان سیلون مالکان ریاستی حکومت سے مالی امداد کی اپیل کی

ریاست کرناٹک کے ضلع ہاویری کے رانی بنور شہر میں لاک ڈون سے پریشان سیلون مالکان نے ریاستی حکومت سے مالی امداد کی اپیل کی۔

ملک بھر میں کورونا وائرس کو قابو پانے کے لئے لاک ڈون جاری کیا جانے پر پچھلے دو مہینوں سے حجامت کا پیشہ بھی بری طرح سے متاثر ہواہے۔

کرناٹک ہاویری ضلع رانی بنور شہر میں اس پیشے سے منسلک دوکاندار سلیم نے کہا کہ ملک بھر میں جاری لاک ڈون کی وجہ سے دوکانوں کو دو مہینوں تک بند رکھنا پڑا ہے. جس سے سیلون مالکان کو پریشانیوں کا سامنا کر نا پڑرہا ہے.

انہوں نے مزید کہا کہ کرناٹک حکومت کی جانب سے سیلون مالکان کو 5 ہزار روپیئے مالی امداد دینے کا اعلان ہوا تھا۔ ابھی کسی سیلون مالکان کو کوئی امداد نہیں ملی ہے اور انھوں نے کہا حکومت کی جانب سے انھیں دوکانیں کھلنے کی اجازت ملے، جس سے سیلون کے دوکان مالکان پوری طرح سے اپنے دوکانوں میں سینیٹائزر اور ماسک کا استعمال کر کے اپنا کام دوبارہ شروع کرسکے۔