Congress Leader Asma Khanam کرناٹک میں کانگریس کی واپسی طے، اسما خانم

ضلع یادگیر کے سر پور میں پردیش کانگریس مہیلا کمیٹی کی ریاستی سیکریٹری اسما خانم نے کہا کہ کرناٹک اسمبلی انتخابات میں کانگریس ایک بار پھر اقتدار میں آئے گی۔ کانگریس کی حکومت بننے کے بعد ریاست سے بدعنوانی کو جڑ سے اکھاڑ پھینکنے کی کوشش کی جائے گی۔ Karnataka Pradesh Congress Mahila Secretry Asma Khanam

بیدر: ریاست کرناٹک میں اسمبلی انتخابات 2023 کے مدنظر سیاسی گہماگہمی تیز ہوتی جا رہی ہے۔ حکمراں جماعت بی جے پی اور اپوزیشن جماعتوں کانگریس سمیت دیگر پارٹیوں کی جانب سے ووٹرز کی توجہ اپنی اپنی جانب مبذوال کرانے کی کوشش میں مصروف ہیں۔ اسی درمیان کرناٹک پردیش کانگریس کی مہیلا کمیٹی کی ریاستی سیکریٹری اسما خانم نے ای ٹی وی بھارت سے گفتگو کرتے ہوئے کہا کہ بی جے پی کی قیادت والی ریاستی حکومت کی ناکامی اور عوام مخالف پالیسیوں کے سبب عام لوگ اکتا چکے ہیں۔ عوام اب کانگریس کو متبادل کے طور پر دیکھ رہے ہیں۔

انہوں نے کہا کہ موجودہ برسر اقتدار حکومت بی جے پی کہ کہنے اور کرنے میں بہت بڑا فرق ہے۔ کرناٹک میں برسراقتدار بی جے پی حکومت سے عوام بے حد پریشان ہیں۔ مہنگائی اور بے روزگاری جیسے مسائل سے عوام کو کافی مشکلات کا سامنا کرنا پڑ رہا ہے۔ اسمبلی انتخابات میں ٹکٹ کی تقسیم میں خواتین کی حصہ داری کے سوال پر اسما خانم نے کہا کہ مہیلا کانگریس کی جانب سے پارٹی کے اعلی کمان سے مطالبہ کیا گیا ہے کہ خواتین کو 40 فیصد ٹکٹ دیا جائے تاکہ اسمبلی میں خواتین کی نمائندگی میں اضافہ ہو سکے۔

ان کا کہنا ہے کہ ہمیں امید ہے کہ آئندہ اسمبلی انتخابات میں کانگریس پارٹی کی جانب سے خواتین کو بااختیار بنانے کے لئے زیادہ سے زیادہ ٹکٹ دینے پر تبادلہ خیال کیا جا رہا ہے۔ اسماء خانم نے کہا کہ کانگریس پارٹی ایک عوامی پارٹی ہے جو عوام کے مسائل اور ان کی تکلیف کو سمجھتی ہے۔ خواتین کو ہر ماہ 2000 روپے دیا جائے گا۔ یعنی خواتین کو ایک سال میں 24 ہزار روپے دیا جائے گا۔ اس کے علاوہ خواتین کے لیے درجنوں ترقیاتی منصوبوں کا اعلان کیا جائے گا۔ اس موقعے پر کانگریس لیڈر مولا علی بھی موجود تھے۔