کرناٹک اقلیتی بہبود کارپوریشن کی اسکیموں کا اجرا

کورونا وائرس وباء سے ملک بھر کی معیشت بدحالی کے دلدل میں پھنسی نظر آرہی ہے۔ ان حالات میں کرناٹک مائناریٹی ڈیولپمینٹ کارپوریشن نے متعدد اسکیموں کا اجرا کیا تاکہ چھوٹے کاروباریوں کو کچھ مدد مل سکے۔

کرناٹک مائناریٹی ڈیولپمینٹ کارپوریشن کی جانب سے خواتین کو 'شرمیک' نامی اسکیم کے تحت 10 ہزار روپے دئے جاتے ہیں جس سے وہ اپنی چھوٹی دکانیں چلا کر گزر بسر کرتی ہیں۔

مائناریٹی کارپوریشن کی اسکیموں کے علاوہ مرکزی حکومت کے نیشنل مائناریٹی ڈیولپمینٹ کارپوریشن کی جانب سے بھی اس طرح کی اسکیموں کا اجرا کیا گیا۔

اس موقع پر کے ایم ڈی سی کے چیئرمین مختار خان پٹھان نے بتایا کہ 'انہوں نے ان اسکیموں کو متاثرین تک صحیح طور پر پہنچانے کے لیے ایک الگ سے ویب سائٹ کا افتتاح کیا ہے اور اس نظام کو موثر بنایا ہے تاکہ درمیانی ایجنٹس سے لوگوں کو کسی قسم کا نقصان نہ پہنچے۔