کرناٹک: بجلی قیمتوں میں اضافے کے خلاف وزیراعلی کو میمورنڈم

ریاست کرناٹک کے گلبرگہ شہر میں حیدرآباد کرناٹک سوشل جاگرتی فورم گلبرگہ کی جانب سے ریاست میں دن بدن بجلی کی قیمتوں میں اضافہ کرنے کے خلاف ضلع کمشنر کے ذریعے وزیر اعلیٰ یدی یورپا کو میمورنڈم پیش کیا گیا۔

اس موقع پر حیدرآباد کرناٹک سوشل جاگرتی فورم گلبرگہ کے صدر ساجد علی رانجولی نے کہا کہ 'کرناٹک میں بجلی سپلائی کمپنی ایسکام کی جانب سے دن بدن بجلی کی قیمتوں میں اضافہ کیا جا رہا ہے جس سے غریب و مزدور افراد کی روز مرہ کی زندگی میں کافی پریشانی بڑھ رہی ہے۔'

انہوں نے یہ بھی کہا کہ 'دہلی، جارکھنڈ، مہاراشٹر میں بجلی کی قیمتوں میں کمی لائی گئی ہے۔ اسی طرح اب کرناٹک میں بھی بجلی کی قیمتوں میں تخفیف کی جانی چاہیے۔'