Jamiat Al Quraish to Support JDS اسمبلی انتخابات میں جمعیت القریش جے ڈی ایس کی حمایت کرے گی

جمعیت القریش نے جنتادل سیکولر (جے ڈی ایس) پارٹی کی حمایت کرنے کا اعلان کرتے ہوئے کہا کہ ہم صرف کانگریس کے ووٹ بینک بن کر نہیں رہنا چاہتے اس لیے ہم آئندہ کرناٹک اسمبلی الیکشن میں جے ڈی ایس کی حمایت کریں گے۔ Karnataka Jamiat Al Quraish

بنگلور:کرناٹک کے دارالحکومت بنگلور میں قریشی برادری نے 2023 کے اسمبلی انتخابات میں جے ڈی ایس کی غیرمشروط حمایت کا اعلان کیا ہے۔ حال ہی میں جمعیت القریش کرناٹک کے ایک وفد نے جے ڈی ایس پارٹی کے لیڈر ایچ ڈی کمارا سوامی سے ملاقات کی تھی اور اپنے مسائل سے متعلق میمورنڈم پیش کرتے ہوئے ان کی حمایت کا اعلان کیا ہے۔ Karnataka Assembly Election

اس سلسلے میں جمعیت القریش کرناٹک کے صدر قاسم شعیب الرحمن قریشی نے ای ٹی وی بھارت سے خصوصی بات کرتے ہوئے بتایا کہ وہ صرف کانگریس کا ووٹ بینک بن کر نہیں رہنا چاہتے لہذا قریشی برادری کے مسائل کے حل کے لیے انہوں نے جے ڈی ایس سے بات چیت کی چونکہ وہ ایک کسانوں کی پارٹی ہے۔ کرناٹک کے مختلف اضلاع کی نمائندگی کرنے والے ریاست بھر سے قریشی برادری کے رہنماؤں کے ایک وفد نے آل انڈیا جمعیت القریش کرناٹک چیپٹر کے صدر شعیب الرحمان قریشی کی قیادت میں کرناٹک کے سابق وزیر اعلیٰ ایچ ڈی کمارسیمی سے ملاقات کی۔

اس دوران جے ڈی ایس قریش برادری کو یقین دہانی کروائی کہ وہ انسداد مویشیوں کے ذبیحہ ایکٹ کو ختم کرے گی اور کرناٹک میں جدید ذبح خانے بنائے گی۔ ملاقات کے دوران شعیب الرحمان قریشی نے کمارا سوامی سے کہا کہ قریش برادری آپ کی حمایت کرتی ہے اور ہم آپ کو کرناٹک کے اگلے وزیر اعلیٰ کے طور پر دیکھنا چاہتے ہیں۔ شعیب الرحمان قریشی نے کہا کہ چند خاندانوں کے علاوہ قریش برادری کی اکثریت غریب ہے جو محنت مزدوری کرتی ہے۔ انہوں نے کہا کہ ریاست کی بی جے پی حکومت نے ریاست میں متنازع انسداد مویشی ذبیحہ ایکٹ کو قانون سازی کرکے قریشی برادری کو معاشی اعتبار سے تباہ کردیا ہے۔ اس ایکٹ نے نہ صرف قریشی برادری کی روزی روٹی چھینی لی ہے بلکہ قصابوں کے کاروبار سے وابستہ ایس سی، ایس ٹی کمیونٹی سے تعلق رکھنے والے ایک بڑی تعداد کے مزدوروں کی بھی روزگار چھینا ہے۔

اس دوران شعیب الرحمان قریشی نے مویشیوں کے ذبیحہ خانوں کا مسئلہ بھی اٹھایا ہے اور سابق وزیراعلیٰ کمارا سوامی پر زور دیا ہے کہ وہ اس بات کو یقینی بنائیں کہ قصاب اپنا کاروبار جاری رکھ سکیں اور اپنی روزی کما سکیں۔ قریشی کمیونٹی نے ایچ ڈی کمارا سوامی کو تفصیلی میمورنڈم پیش کیا جس میں کمیونٹی کو درپیش مختلف مسائل کا ذکر تھا اور ایچ ڈی کمارا سوامی پر زور دیا گیا ہے کہ وہ اس بات کو یقینی بنائیں کہ ان پر توجہ دی جائے۔

شعیب الرحمن قریشی نے بتایا کہ ایچ ڈی کمارا سوامی نے قریشی برادری کے رہنماؤں سے مزید وعدہ کیا کہ جے ڈی ایس پارٹی کے اقتدار میں آتے ہی متنازع اینٹی کیٹل سلاٹر ایکٹ کو یقینی طور پر ختم کر دیا جائے گا اور ریاست بھر میں جدید سلاٹر ہاؤس بنائے جائیں گے۔ سابق وزیر اعلی نے کہا کہ ہم یقینی طور پر اور مثبت طور پر ان اہم مسائل کو حل کریں گے جو انہوں نے اپنے میمورنڈم میں پیش کیے ہیں۔ جے ڈی ایس لیڈر ایچ ڈی کمارسوامی کی طرف سے یقین دہانی حاصل کرتے ہوئے قریشی برادری کے لیڈروں نے میٹنگ میں سابق وزیراعلیٰ سے کہا کہ قریشی برادری کے خاندان نہ صرف جے ڈی ایس کی حمایت کریں گے بلکہ ریاست میں آئندہ اسمبلی انتخابات کی مہم میں بھی شامل ہوں گے۔

ایچ ڈی کمارا سوامی نے دل کی گہرائیوں سے قریشی برادری کا خیرمقدم کیا، ان کے مطالبات کو تحمل سے سنا اور کہا کہ 'آپ کے وفد نے یہاں جو مسائل پیش کیے ہیں وہ اتنے بڑے نہیں ہیں اور میں آپ سے وعدہ کرتا ہوں کہ ان سب کو پورا کیا جائے گا۔

واضح رہے کہ آل انڈیا جمعیت القریش تنظیم چھوٹے جانوروں سے لے کر بڑے جانوروں تک تمام پیشہ ور قصابوں کے خاندانوں پر مشتمل ہے اور یہ تنظیم جنوری 2023 میں اپنے 100 سال مکمل کرنے والی ہے۔