کرناٹک: 15 اسمبلی حلقوں میں 5 دسمبر کو تعطیل کا اعلان

کرناٹک حکومت نے ریاست کی 15 اسمبلی سیٹوں پر ہونے والے ضمنی انتخابات کے پیش نظر ان اسمبلی حلقوں میں پانچ دسمبر یعنی جمعرات کو تعطیل کا اعلان کیا ہے۔

حکومت کی جانب سے جاری نوٹیفکیشن کے مطابق صرف انہی علاقوں میں چھٹی رہے گی، جن علاقوں میں پانچ دسمبر کو پولنگ ہونے والی ہے۔

ودھان سودھ، وکاس سودھ اور ایم ایس بلڈنگ میں واقع دفتروں میں عام طورسے کام کاج ہوں گے۔

اس کے علاوہ ایسے سرکاری ملازمین جن کے نام ضمنی انتخابات والے علاقوں میں ووٹر کے طور پر درج ہیں اور وہ کسی دوسرے علاقے میں کام کر رہے ہیں، وہ بھی اپنے حق رائے دہی کے استعمال کے لئے چھٹی لے سکتے ہیں۔