Felicitation Programme In Bidar بیدر میں کانگریس اقلیتی سیل کی جانب سے تہنیتی تقریب کا انعقاد

ضلع بیدر میں کانگریس اقلیتی سیل کی جانب سے ڈاکٹر سید ناصر حسین رکن راجیہ سبھا بلاری کو کانگریس ورکنگ کمیٹی کا رکن بنائے جانے پر تہنیتی تقریب کا انعقاد کیا گیا جس میں ریاستی وزراء سمیت پارٹی کے دیگر اہم رہنماوں اور کارکنان نے شرکت کی۔

بیدر:ریاست کرناٹک کےضلع بیدر میں کانگریس اقلیتی سیل کی جانب سے ڈاکٹر سید ناصر حسین (رکن راجیہ سبھا بلاری کوکانگریس) ورکنگ کمیٹی کا رکن بنائے جانے پرہنیتی تقریب کا انعقاد کیا گیا۔اس تقریب میں ریاستی وزیر برائے جنگلات و بیدر ضلع انچارج وزیر ایشور کھنڈرے ،اجے سنگھ رکن اسمبلی جیورگی ، سابق رکن اسمبلی راج شیکھرپاٹل ، اشوک کھینی ، اراکین قانون سازکونسل ،اروندکمارارلی ،بھیم راو پاٹل ، سابق ایم ایل سی وجے سنگھ ،بیدر بلدیہ کے چیرمین محمد غوث ، عبدالمنا ن سیٹھ نائب صدر ریاستی مینارٹی ڈپارٹمنٹ کے پی سی سی ، ناصر خان بیدر ضلع صدر مینارٹی اورکانگریس مینارٹی ڈپارٹمنٹ،خواتین میں مالابی نارائن ، میناکشی سنگرام اور فاطمہ سابق چیرمین بلدیہ بیدر ، بیدر کے اراکین بلدیہ نے شرکت کی ۔

تقریب کی صدارت بیدر کے رکن اسمبلی اور بلدیاتی امور و حج کے ریاستی وزیر رحیم خان نے کی۔ کے پی سی سی اقلیتی سیل کے چیرمین کے عبدالجبار نے بھی مہمان خصوصی کے طور پر شرکت کی ۔ اجلاس کا اغاز قرات کلام پاک سے ہوا عبدالمنان سیٹھ نے تمام مہمانوں کا خیر مقدم کیا۔اس موقع پر ریاستی وزیر برائے جنگلات وہ انچارج منسٹر ایشور کھنڈرے نے کہا کہ علاقہ کلیان کرناٹک کے قائد سید ناصر حسین جس طرح سے سیاسی میدان میں آگے بڑھ رہے ہیں یہ ایک بڑی بات ہے۔

انہوں نے کہاکہ قومی صدر ملکارجن کھرگے جی کی قیادت میں کانگرس پارٹی تیزی کے ساتھ اگے بڑھ رہی ہے کانگرس پارٹی نے ناصر حسین کو بڑی ذمہ داری دی ہے میں ناصر حسین کو ان کے اس نئے عہدے کے لیے مبارکباد پیش کرتا ہوں۔

ریاستی وزیر برائے بلدیہ ایڈمنسٹریشن وہ حج رحیم خان نے اس موقع پر مسرت کا اظہار کرتے ہوئے کہا کہ سی ڈبلیو سی کے کہ مرتبے تک پہنچنے کی ہر ایک کو خواہش ہوتی ہے لیکن ہر ایک کی خواہش پوری نہیں ہوتی یہ خوش قسمتی والوں کو ہی یہ رکونت ملتی ہے
اس موقع پر اس تہنیتی جلسے میں عوام کی کثیر تعداد موجود تھی ۔