کانگریس کے اعلی سطحی ذرائع کے مطابق ان کا یہ فیصلہ ریاست کی 13 ماہ پرانی کانگریس -جنتا دل دل (ایس ) اتحاد حکومت کو کسی بھی طرح بچانے کے لیے ہوگا۔
اس سلسلہ میں یہ تجویز سابق وزیر اعظم اور جنتا دل (ایس) رہنما ایچ ڈی دیو گوڑا نے کانگریس کی سربراہ سونیا گاندھی کو دی ہے تاکہ ریاست میں بی جے پی کی جانب سے پیدا کیے گئے بحران کا سامنا کیا جا سکے۔
خیال رہے ریاست میں اتحادی حکومت کے 13 اراکین اسمبلی نے استعفی دے دیا ہے۔
ذرائع نے بتایا کہ گوڑا نے گزشتہ شب اس معاملہ میں سونیا گاندھی سے رابطہ کر کے یہ مشورہ دیا اور یہ یقین دہانی بھی کرائی کہ ان کی پارٹی کھڑگے کو حمایت دے گی تاکہ کسی بھی حالت میں بی جے پی کو اقتدار میں آنے سے روكا جاسکے۔
سونیا گاندھی نے رات ہی میں پارٹی کی کور کمیٹی کی میٹنگ طلب کی تھی جس میں گوڑا کے نام کی تجاویز پر غور کیا گیا اور کھڑگے کو کرناٹک بھیجنے کا فیصلہ کیا گیا تاکہ ریاست میں اتحادی حکومت کو بچایا جا سکے۔
ابھی تک ریاست کی سیاست سے دوری بنائے رکھنے والے کھڑگے نے پارٹی کے کچھ غیر مطمئن اراکین اسمبلی سے رابطہ کر کے ان کے مسائل جاننے کی كوشش کی ہے۔ اگرچہ ان 13 اراکین اسمبلی کے استعفے ابھی منظور نہیں کیے گئے ہیں۔