مرکزی حکومت کے خلاف مزدور یونینز کا احتجاج

ریاست کرناٹک کے ہبلی شہر میں مرکزی حکومت کے خلاف اے آئی یوٹی یو سی، آشا ورکرس، اسکول بارچی اور دیگر مزدور یونینز کی جانب سے مرکزی حکومت کی معاشی پالیسیوں کے خلاف احتجاج کیاگیا۔

اس موقع پر کسان تنظیم کے صدر نے ای ٹی وی بھارت سے بات کرتے ہوئے کہا کہ آج ملک بھر میں تمام مزدور یونینز کے جانب سے مرکزی حکومت کے معاشی پالیسیوں کے خلاف احتجاج کو بھارت بند کا نام دے کر عوام کو گمراہ کیاجارہا ہے۔

انھوں نے کہا کہ یہ احتجاج بھارت بند کے نام سے نہیں ہڑتال کے نام سے کیا جارہا ہے کیونکہ آج ملک بھر بی جے پی حکومت مزدوروں کے ساتھ انصافی کررہی ہے، مزدوروں کو ان کے کام کے تحت تنخواہ نہیں دی جارہی ہے اور ملک میں مہنگائی روز بروز بڑھتی جارہی ہے جس کی وجہ سے غریب مزدور کی زندگی بہت مشکل سے گزر رہی ہے مگر مرکزی حکومت اس پر توجہ نہیں دے رہی ہے۔

تنظیم کے صدر کا یہ بھی کہنا ہے ملک بھر میں آشا ورکرس گزشتہ کئی برسوں سے کام کر رہے ہیں لیکن انھیں تقریباً 15 ماہ سے تنخواہ نہیں ملی ہے۔

آج ہبلی شہر میں حکومت کی پالیسیوں کے خلاف کئی خواتیں نے مل کر مرکزی حکومت کے خلاف نعرے بازی کرتے ہوئے اپنا احتجاج درج کروایا۔

اس موقعہ پر ریاست کی تمام چھوٹی بڑی مزدور یونینز کی جانب سے تحصیلدار کے ذریعے مرکزی حکومت کو میمورنڈم پیش کیا گیا۔