ریاست کرناٹک کے گلبرگہ شہر میں کئی افراد نے بغیر لائسنس کے واٹر پلانٹ نصب کیا ہے اور یہ افراد بلا خوف و خطر اپنا کاروبار کررہے ہیں۔
اس ضمن میں گلبرگہ سٹی کارپوریشن کمشنر اسنیہال لوکھنڈے نے آر آر نگر کے تین واٹر پلانٹ کے خلاف کارروئی کرتے ہوئے انھیں سیل کردیا۔
اس تعلق سے کمشنر اسنیہال لوکھنڈے نے بتایا کہ گلبرگہ میں بہت سے ایسے واٹر پلانٹ ہیں جو غیر قانونی طور پر جاری ہے اور محکمۂ رسد و خوراک کی اجازت کے بغیر لوگوں کو پانی سپلائی کررہے ہیں۔
انھوں نے سخت انتباہ دیتے ہوئے کہا کہ جن لوگوں نے بھی اپنے واٹر پلانٹ کو رجسٹر نہیں کرایا ہے یا لائسنس حاصل نہیں کیا ہے وہ جلد از جلد دونوں کام کرائیں ورنہ ان کے بھی پلاںٹ کو کارپوریشن کی جانب سے سیل کردیا جائے گا۔
