بنگلور: مسلم میئر کا مطالبہ

ریاست کرناٹک کے بنگلور شہر میں مسلم کارپوریٹرزکے ایک وفد نے وزیر برائے اقلیتی بہبود ضمیر احمد خان سے ملاقات کی اورمختلف مسائل پر تبادلہ خیال کیا۔

ضمیر احمد سے ملاقات کے دوران کارپوریٹرز نے دو اہم مسائل پر بات چیت کی۔ انہوں نے آئی ایم اے کمپنی میں حلال سرمایہ کاری کے نام پربڑے پیمانے پر ہونے والی دھوکہ دہی اور بنگلورمیونسپل کارپوریشن میں اس بارمسلم نمائندے کو میئر بنانے کے تعلق سے گفتگو کی۔

واضح رہے کہ 15 برس قبل ممتاز بیگم نامی خاتون نے میئر کا عہدہ سمبھالا تھا، تب سے آج تک یہ عہدہ مسلمان کو نہیں مل سکا لیکن اب اس بات کی پرزور کوشش کی جارہی ہے کہ عام زمرے میں ایک مسلم نمائندے کو میئر بنایا جائے۔

اس موقع پر 16 مسلم کارپوریٹرز نے ضمیر احمد خان سے ملاقات کی اور مسلم نمائندے کو میئر بنانے کی تجویز پیش کی اوران سے وزیراعلیٰ و دیگر رہنماؤں کو اعتماد میں لے کرایک مسلم نمائندے کو میئر کا عہدہ دینے کی کوشش کرنے پر زور دیا۔

ان کارپوریٹرزکا تعلق کانگریس پارٹی، جے ڈی ایس اور ایس ڈی پی آئی سے ہیں۔