Jamaat E Islami Bidar یونیفارم سول کوڈ کے خلاف جماعت اسلامی بیدر کی مہم تیز

کرناٹک میں جماعت اسلامی ہند کی بیدر شاخ نے یونیفارم سول کوڈ کے خلاف مہم تیز کردی ہے۔ تنظیم کے ذمہ داروں نے مسلمانوں سے اس معاملے میں بڑھ چڑھ کر حصہ لینے کی اپیل کی ہے۔

بیدر: ملک کی دوسری ریاستوں کی طرح کرناٹک میں بھی یونیفارم سول کوڈ کے خلاف مسلم تنظیموں کی جانب سے مہم تیز کردی گئی ہے۔ مختلف تنظیموں کی جانب سے مسلمانوں سے یکساں سول کوڈ سے متعلق اظہار رائے میں بڑھ چڑھ کر حصہ لینے کی اپیل کی جا رہی ہے۔ جماعت اسلامی ہند شاخ بیدر کے امیر مقامی محمد معظم نے ای ٹی وی بھارت سے بات کرتے ہوئے بتایا کہ جماعت اسلامی ہند شاخ بیدر کی جانب سے لا کمیشن آف انڈیا کو یو سی سی سے متعلق رائے بھیجنے کے مہم میں جماعت اسلامی کی جانب سے بھر پور کوشش کی جا رہی ہے۔

انہوں نے کہا کہ جماعت اسلامی کی مختلف شاخیں جن میں طلبہ نوجوان اور خواتین کی زیلی تنظیمیں بھی اس مہم کے تحت عوام میں یو سی سی سے متعلق جانکاری فراہم کر رہی ہیں۔ تنظیم لا کمیشن آف انڈیا کو رائے بھیجنے میں خواتین کی بھی مدد کرنے میں پیش پیش ہے۔ نوجوان بھی ذمہ داری کے ساتھ مہم کو آگے بڑھانے میں اہم رول ادا کر رہے ہیں۔

ان کا کہنا ہے کی ضلع بیدر کی مساجد میں لا کمیشن آف انڈیا کو اپنی رائے بھیجنے کے لیے مسلم پرسنل لا بورڈ کی ہدایت پر پرچیاں کیو آر کوڈ کے ذریعہ چسپاں کی گئی ہیں۔ اس پرچی پر جو کیو ار کوڈ دیا گیا ہے اس کو اسکین کر کے اپنے موبائل کے ذریعہ یو سی سی سے متعلق اپنی رائے لا کمیشن آف انڈیا کو سینڈ کریں۔