Intellectuals On Karnataka Assembly Election کرناٹک انتخابات میں عوام کمیونل طاقتوں کو شکست دے

ایف ڈی سی اے نے عوام سے کرناٹک اسمبلی انتخابات 2023 میں فرقہ پرست طاقتوں کو شکست دینے کی اپیل کی ہے۔ تنظیم نے عوام کی کو ان جماعتوں کی حمایت کرنے کا مطالبہ کیا ہے جو جمہوریت اور دستور کا تحفظ کرنے کے لئے سڑکوں پر اتر کر احتجاج کرتی پہیں۔ Intellectuals On Karnataka Assembly Election

بنگلورو: کرناٹک میں ہونے والے اسمبلی انتخابات کے پیش نظر فورم فار ڈیموکریسی & کمیونل ایمیٹی کی جانب سے ووٹر اویرنیس پروگرام کا انعقاد کیا گیا جس میں کئی اہم شخصیات نے ریاست کے سیاسی حالات پر روشنی ڈالی۔ اس اجلاس میں کرناٹک ہائی کورٹ کے ریٹائرڈ جج جسٹس ناگ موہن داس، سابق ایڈووکیٹ جنرل پروفیسر روی ورما کمار، معروف سماجی کارکن کاتھیانی کامراج، لیگل ایکٹیوسٹ برندہ اڈیگے، پروفیسر واسوی جیسے دانشوران نے شرکت کی اور ریاست کرناٹک میں ہونے والے انتخابات کے متعلق بحث و مباحثہ میں حصہ لیا۔

اجلاس میں اس بات پر تبادلہ خیال کیا گیا کہ انتخابات میں عوام کس طرح کی پارٹیوں کی حمایت کرنی چاہیے۔ کریمینل و کمیونل، نفرت پھیلانے والے و غیرسنجیدہ ایجنڈا کو ہوا دینے والی پارٹییوں کو اقتدار سے کیسے دور رکھا جائے، علاوہ ازیں منتخب نمائندہ سے حصاب کا مطالبہ کیا جائے۔ اس اجلاس میں ایک اہم موضوع یہ بھی رہا کہ عوام ان سیاسی پارٹیوں کی حمایت کریں جو وکہ جمہوریت اور دستور کی اہمیت کو برقرار رکھنے کے تئیں کام کریں اور فرقہ پرست و فسطائی طاقتوں کو دور رکھیں۔

اس موقع پر عوام سے یہ اپیل کی گئی کہ اٹھ کھڑے ہوں، ایک تحریک چلائی جائے تاکہ ملک کے جمہوریت اور دستور کا تحفظ کیا جاسکے۔یاد رہے کہ فورم فار ڈیموکریسی اینڈ کمیونل ایمیٹی ادارہ کا قیام ہی اس مقصد کے ساتھ کیا گیا تھا کہ عوام میں جمہوریت، دستوری اقدار و ان کے نفاذ کے سلسلے میں سول سوسائٹی کے رول کو مستحکم بنایا جاسکے اور ملک کے مختلف سنگین معاملات کے متعلق عوام کو بیدار کیا جاسکے.