علماء کرام سیاسی میدان میں آئیں اور ملک کے حالات میں تبدیلی لائیں

پیارے نبیؐ نے جو اول ہدایت عطاء فرمائی وہ حصول علم کے متعلق رہی، اس بات کو مرکوز کر شہر بینگلور میں مولانا ابو الکلام آزاد کی تعلیمات و سیاسی بسیرت کو یاد کیا گیا۔

کرناٹک کے دارالحکومت بینگلور میں بدھ کے روز مجاہد آزادی مولانا ابو الکلام آزاد کی یاد میں منعقدہ ایک پروگرام میں علماء کرام نے اس بات پر زور دیا کہ جیسے علمائے کرام نے تحریک آزادی میں قربانیاں پیش کی تھیں اسی طرح آج ملک کی پیچیدہ صورتحال میں انقلابی تبدیلی لانے کے لیے علماء کرام سیاسی میدان میں آگے آئیں اور اپنا کردار ادا کریں۔

اس موقع پر مفتی شعیب اللہ نے مسلمانوں سے اپیل کی کہ وہ تعلیم کو فروغ دینے کے سلسلے میں سنجیدگی سے ایک منصوبے کے ساتھ کام کریں کیونکہ اس سے ہمیں آنے والی نوجوان نسل کو مضبوط کرنا ہے۔

پروگرام کے دوران مولانا آفاق بدری قاسمی کو ریاستی کانگریس نے پارٹی میں شامل کیا اور انہیں پارٹی کے بینگلور ساؤتھ ضلع کے نائب چیئرمین کے عہدے کی ذمہ داری دی۔