ریاست کرناٹک کے شہر بنگلور میں ضلع وقف مشاورتی بورڈ کے چیئرمین یو کے منو نے ای ٹی وی بھارت کو بتایا کہ ریاست کرناٹک کے شہر بنگلور میں مسلمانوں کی کثیر آبادی ہے۔
انہوں نے کہا کہ یہاں مسلمان تعلیمی، سیاسی، مذہبی میدان میں ترقی کر رہے ہیں، بنگلور میں سات سو سے زیادہ مساجد ہیں، جس میں سے 618 مساجد وقف میں رجسٹرڈ ہیں۔
گذشتہ دو برسوں سے وقف مشاورتی بورڈ کے چیئرمین کے عہدہ پر فائز یو کے منو نے کہا کہ یہاں پر وقف جائیداد پر ناجائز قبضہ ہٹاکر دوبارہ جائیداد کو وقف کے قبضے میں لینے کا کام کیا جارہا ہے۔
انہوں نے کہا کہ یہاں کے وقف اداروں اور مساجد کی ترقی سابق وزیر ضمیر احمد کی کاوشوں کی وجہ سے ہوئی ہے، جوملی کام کے لیے پیش پیش رہتے ہیں۔
انھوں نے کہا کہ خاص کرکے بنگلور ضلع وقف متولی اور مسجد کمیٹیز کے ذمہ داران سے درخواست کی ہے کہ اپنے اطراف کے اداروں جائیدادوں کے دستاویزات کو پوری طرح سے مکمل کرلیں۔
