مسلمان حکمت اور دور اندیشی سے کام لیں: مولانا مقصود

بنگلورو کے ڈی جے ہلی میں گزشتہ دنوں ہوئے تشدد کے متعلق مولانا مقصود عمران نے کہا کہ، 'وہ ایک شرپسند کی جانب سے توہین رسالت کرتے ہوئے سوشل میڈیا میں کیے گیے پوسٹ کی سخت الفاظ میں مذمت کرتے ہیں اور ساتھ ہی پولیس اسٹیشن و ملزم کے رشتے دار ایم ایل اے کی رہائش گاہ پر ہوئے تشدد کی بھی مذمت کرتے ہیں۔'

ای ٹی وی بھارت سے مولانا مقصود عمران نے کہا کہ، 'سوشل میڈیا میں جب کبھی مذہبی منافرت والے پوسٹ دیکھیں تو مسلمان نہایت حکمت و دور اندیشی سے کام لیں اور قانون کا سہارا لیتے ہوئے کئی جگہوں پر ایف آئی آر درج کروائیں ۔

جس سے ملزم گرفتار ہو اور اسے کئے کی سزا ملے، نا کہ قانون کو اپنے ہاتھ میں لیں اور عوام کی جائدادوں کو نقصان پہنچائیں، جیسا کہ ڈی جے ہلی معاملے میں ہوا۔'

مولانا مقصود عمران نے سیاسی رہنماؤں سے اپیل کی کہ بعد تشدد کئی افراد کو جو پولیس کی حراست میں لیا جارہا ہے، اس پر روک لگائیں تا کہ معصوم افراد تکلیف میں مبتلا نہ ہوں۔

اس موقع پع مولانا مقصود عمران نے ریاستی و مرکزی حکومتوں سے بھی اپیل کی کہ سویل میڈیا میں شیئر کیے جانے والے مذہبی منافرت کی اشیاء کی روک تھام کے سلسلے میں سخت قوانین بنائے جائیں۔