بھارت کے پہلے وزیر تعلیم و مجاہد آزادی مولانا ابوالکلام آزاد کا یوم پیدائش (11 نومبر) قومی یوم تعلیم کے طور پر منایا جاتا ہے۔ امسال ان کے یوم پیدائش کے موقع پر بنگلور کے سماجی کارکن مولانا آفاق قاسمی نے عالمی یوم تعلیمی کانفرنس کرنے کا پروگرام بنایا ہے۔
اس سلسلے میں بات کرتے ہوئے مولانا آفاق قاسمی نے بتایا کہ مولانا ابو الکلام آزاد وہ شخصیت ہے جنہوں نے اپنی محنت و قربانیوں سے نہ صرف ملت اسلامیہ کو متحد کیا بلکہ تحریک خلافت کے نام پر غیر مسلم برادران کے ساتھ بھی بھائی چارگی کو مضبوطی سے فروغ دیا۔
مولانا آفاق نے بتایا کہ موجودہ حالات میں ملک کی جو سیاسی و سماجی صورتحال ہے وہ بلا شبہ افسوسناک ہے، ان پیچیدہ حالات میں علماء کرام کو چاہیے کہ وہ آگے آئیں اور اس میدان میں بھی اپنا لوہا منوائیں اور انقلابی تبدیلی کی کوشش کریں۔
