کرناٹک میں دفعہ 144، ہزاروں لوگ سڑکوں پر

ریاست کرناٹک میں شہریت ترمیمی قانون کے خلاف جگہ جگہ احتجاجی ریلی کو روکنے کے لیے اچانک رات سے ہی ریاست بھر میں دفعہ 144 نافذ کیا گیا۔ اس کے باوجود لیفٹ پارٹیوں کی جانب سے دھرنا جاری ہے۔

کرناٹک کے شہر گلبرگہ میں آج 19 دسمبر کو شہر یت ترمیمی قانون کے خلاف تمام سیاسی لیڈران نے مل کر گلبرگہ بند کر کے احتجاجی ریلی نکالنے کا اعلان کیا تھا۔

گلبرگہ کے پولیس کمشنر نے تمام علاقوں سمیت ریاست بھر میں سکشن 144 نافذ کیاجا نے پر آج احتجاج ریلی نکلنے پر پابندی لگائی گئی۔

تمام سیاسی مذہبی رہنماؤں نے نوجوانوں سے اپیل کی ہے کہ آج گلبرگہ بند کر نے کے لئے تمام عوام اور نوجوانوں اپنے اپنے دوکان اور کاروبار بند کر یں اور پر امن احتجاج منظم کریں۔

مقامی سیاسی رہنماوں کا کہنا ہے کہ مسلمانوں اتحاد کے ساتھ اپنے اپنے علاقے کے دوکانوں اور کاروبار کو آج بند رکھیں۔