Protest against Anti Conversion Bill: اینٹی کنورشن بل کی مخالفت میں ہیومن چین کا اہتمام

بنگلور میں ہیومن چین کے ذریعہ بی جے پی حکومت کی جانب سے بنائے جانے والے اینٹی کنورشن لا کے خلاف Human chain opposes anti-conversion bill احتجاج کیا گیا۔

کرناٹک میں بھارتیہ جنتا پارٹی کی حکومت کی جانب سے پرزور کوشش کی جارہی ہے کہ ’فوری طور پر تبدیلی مذہب کے خلاف قانون anti-conversion law بنایا جائے جبکہ اس سلسلے میں وزیراعلیٰ بسوراج بومائی نے کہاکہ عنقریب ڈرافٹ بل کو کابینہ میں منظوری دی جائے گی اور اس کے بعد اسمبلی میں پیش کیا جائے گا۔

بسوراج بومائی نے وزیراعلیٰ کے عہدہ پر فائز ہونے کے بعد سے ہی اس سلسلہ میں قانون بنانے کی کوشش کررہے ہیں، جس کے خلاف ریاست بھر میں احتجاج کیا جارہا ہے۔

شہر بنگلور کے ہڈسن سرکل پر مسیحی برادری کی جانب سے بڑے پیمانے پر ہیومن چین Human chain بناکر احتجاج کیا گیا جس میں مختلف مذاہب کے پیروکاروں نے بھی شرکت کی۔ اس موقع پر احتجاجیوں نے بتایا کہ ابھی اینٹی کنورشن بل پیش بھی نہیں کیا گیا لیکن ریاست کے مختلف اضلاع میں سنگھ پریوار کے کارکنوں کی جانب سے چرچوں پر حملے کئے جارہے ہیں جس کی وجہ سے مسیحی برادری میں خوف و حراست کا ماحول پیدا ہوگیا ہے۔