کرناٹک: بی جے پی حکومت کے خلاف احتجاج

کانگریس پارٹی کے سابق وزیراعلیٰ سدارمیا اور ریاستی صدر دنیش گونڈورو کی صدرات میں ریاست مرکزکی بی جے پی حکومت کے خلاف احتجاجی ریلی نکال کر شدید نکتہ چینی کی۔

ریاست کرناٹک کے بیلگام شہر میں کانگریس پارٹی کی جانب سےحکومت کی پالیسیوں کے خلاف ریلی نکالی گئی۔

اس موقع پر کانگریس کے سابق وزیر اعلیٰ سدا رمیا نے مرکزی و ریاستی حکومت پر نکتہ چینی کی اور کہا کہ پچاس دنوں پہلے کرناٹک کے کئی علاقوں میں سیلاب آنے کے سبب سینکڑوں لوگوں کے مکانات اور کسانوں کی فصلیں تباہ و برباد ہو چکی ہیں، لیکن حکومت اس جانب کوئی توجہ نہیں دے رہی ہے جسے کانگریس پارٹی کبھی برداشت نہیں کرے گی۔

انھوں نے مزید کہا کہ اس سیلاب کا سب سے زیادہ اثر بیلگام، باگلکوٹ میں ہوا تھا جس میں کئی افراد ہلاک ہوئے تھے۔ مگر ابھی تک مرکزی و ریاستی حکومت نے سیلاب سے متاثرہ لوگوں کی کوئی مالی امداد نہیں کی ہے۔

ریلی میں احتجاجیوں نے بی جے پی حکومت کے خلاف نعر ے بازی کی۔

انھوں نے مرکزی حکومت کو انتباہ دیتے ہوئے کہا کہ اگر آنے والے دنوں میں سیلاب متاثرین کی مالی امداد نہیں کی گئی تو اس کے بعد بڑے پیمانے پر احتجاج کیا جائے گا۔