یدی یورپا کے حکومت کی ابتدا ہی کرپشن سے رہی: ایڈووکیٹ طاہر حسین

ویلفیئر پارٹی کرناٹک کے صدر ایڈووکیٹ طاہر حسین نے کہا کہ 'یدی یورپا نے دیگر پارٹیوں کے اراکین اسمبلی کو خرید کر اپنی حکومت بنائی تھی۔

کرناٹک کے سابق وزیر اعلیٰ یدی یورپا کے اقتدار کے دو سال کے متعلق ویلفیئر پارٹی کرناٹک کے صدر ایڈووکیٹ طاہر حسین نے کہا کہ 'ریاست میں یدی یورپا کے حکومت کی ابتدا ہی کرپشن سے رہی۔'

طاہر حسین نے کہا کہ 'انہوں نے دیگر پارٹیوں کے اراکین اسمبلی کو خرید کر اپنی حکومت بنائی تھی۔ انہوں نے کہا کہ 'بی جے پی ہی کے لیڑران یدی یورپا اور ان کے بیٹے پر کرپشن کے الزامات لگاتے رہے ہیں۔'

اس سلسلے میں ایس ڈی پی آئی کرناٹک کے نائب صدر ایڈووکیٹ مجید خان نے کہا کہ 'ریاست میں بی جے پی قائم شدہ حکومت عوام کا مینڈیٹ نہیں ہے بلکہ یہ غیر جمہوری طریقے سے بنائی گئی ہے۔ مجید خان نے کہا کہ 'یدی یورپا کے دو سال کے اقتدار میں نہ صرف کووڈ کو سمبھالنے بلکہ ہر محاذ پر ناکام رہی۔'

واضح رہے کہ بنگلور کے ایک بزنسمن عالم پاشا نے سابق وزیر اعلیٰ یدی یورپا اور سابق وزیر معروگیش نیرانی پر لینڈ ڈی نوٹیفیکیشن کا کیس درج کرایا ہے جس کی تحقیقات کیے جانے کے متعلق ہائی کورٹ نے ہدایات جاری کی ہے جس کے نتیجے میں یدی یورپا چند مہینوں قبل اقتدار کے رہتے ہوئے سپریم کورٹ سے بیل حاصل کی تھی۔

اسی کیس کے سلسلے میں عالم پاشا نے وزیر اعظم نریندرہ مودی کو ایک مکتوب بھی لکھا تھا کہ 'کرپشن و مجرمانہ مقادمات میں ملوث یدی یورپا کو وزیر اعلیٰ کے عہدے سے برطرف کیا جائے۔