یادگیر میں محکمہ صحت کا پروگرام

کرناٹک کے ضلع یادگیر میں محکمہ صحت اور خاندانی فلاح و بہبود کی جانب سے منشیات کے مضر اثرات اور غیر قانونی اسمگلنگ کے تعلق سے ایک پروگرام منعقد کیا گیا۔

اس پروگرام میں یادگیر کے رکن اسمبلی وینکٹ ریڈی ،ضلع ہیلتھ آفیسر ایم ایس پاٹل ،ضلع سپرنٹنڈنٹ آف پولیس رشی کیش بھگوان ضلع سرکاری ہسپتال سپرنٹنڈنٹ انوار کے علاوہ ضلع پنچایت صدر اور نائب صدر نے بطور مہمان خصوصی شرکت کی۔

محکمہ ہیلتھ کی جانب سے تمام مہمانوں کی گل پوشی کی گئی۔

اس موقع پر رکن اسمبلی یادگیر نے اپنے خطاب میں کہا کہ نشہ کسی بھی طرح اور کسی بھی قسم کا کیوں نہ ہو صحت کے لیے نقصان دہ ہے۔

ڈرگس، شراب، سگریٹ، گٹکا، وہ دیگر نشہ آور چیزوں سے ہمیشہ دور رہنا چاہیے۔

انھوں نے والدین سے اپیل کرتے ہوئے کہا کہ اپنے بچوں پر نظر رکھیں اور خاص کر صحت اور گھومنے پھرنے پر خاص توجہ دیں۔