ریاست اترپردیش کے ہاتھرس میں پیش آئے واقعے کے خلاف دلت سینا نے پٹی کمشنر آفس یادگیر کے روبرو احتجاج کرتے ہوئے اپنی ناراضگی کی کا اظہار کیا۔
اس موقع پر دلت سینا یادگیر کے ضلع صدر اشوک نے میڈیا سے بات کرتے ہوئے کہا کہ آج ریاست کرناٹک کے 30 اضلاع میں دلت سینا کی جانب سے ہاتھرس سانحہ کے خلاف احتجاج کیا جا رہا ہے۔ دلت سینا یادگیر کی جانب سے بھی اس واقعے کی مذمت کرتے ہوئے ڈپٹی کمشنر یادگیر کے توسط سے صدر جمہوریہ کو ایک یادداشت پیش کی گئی ہے۔
اس احتجاجی ریلی میں ضلع کے پانچ تعلقہ جات گرمٹکل، شاہ پور، شورا پور، ہنسگی اور وڈگرہ کے دلت سینا ذمہ داران کی شرکت ہوئی۔
ضلع صدر اشوک نے بتایا کہ ہم نے اپنی یادداشت میں صدر جمہوریہ ہند سے مطالبہ کیا ہے کہ اتر پردیش حکومت کو برخاست کیا جائے اور وہاں پر صدر راج قائم کیا جائے۔ ہاتھرس سانحہ کے ذمہ داران کو پھانسی دی جائے اور وہاں کے ضلع مجسٹریٹ کو برخاست کیا جائے اور ساتھ ہی محکمہ پولیس کے ذمہ داران کے خلاف بھی کارروائی کی جائے۔
اشوک نے مزید کہا کہ اس طرح کے واقعات نہ ہوں اور آئندہ کوئی بھی کمزور اور دلت پر ظلم نہ کرے اس کے لئے مرکزی حکومت سخت اقدامات اٹھائے۔ اس موقع پر دلت سینا یادگیر کے دیگر ذمہ داران کے علاوہ ضلع یادگیر کے تمام تعلقہ جات کے کارکنان نے اس احتجاجی ریلی میں شرکت کی۔