کرناٹک: منگل کو ہوگی اعتماد پر ووٹنگ

کرناٹک میں زبردست سیاسی گھمسان کے بعد اعتماد پر ووٹنگ کو لے کر پیر کو بھی شش وپنج کی حالت برقرار رہی اور بعد میں یہ معاملہ منگل تک لیے ٹل گیا۔ وہیں وزیراعلی کمار سوامی کا فرضی استعفی کی درخواست سے کھلبلی ہے۔

ایوان میں کافی ہنگامے اور الزام در الزامات کے بعد رات 10 بجے کرناٹک اسمبلی سے باہر آکر کانگریس کے رہنما ڈی کے شیو کمار نے بتایا کہ اسپیکر نے باغی رکن اسمبلی کو نوٹس جاری کرکے منگل 11 بجے تک کا وقت دیا ہے۔ ا نہوں نے آگے کہا کہ بی جے پی انہیں یہ سمجھانے کی کوشش کررہی ہے کہ وہ نااہل قرار نہیں دیئے جائیں گے۔

شیو کمار نے کہا کہ بھارت کے آئین کے مطابق آپ اگر ا یک بار نااہل قرار دیئے گئے تو ممبر نہیں بن سکتے۔
اس سے قبل اسپیکر کے آر رمیش کمار پیر کو ہی فلور ٹیسٹ کرانے پر بضد تھے۔ انہوں نے برسراقتدار اتحاد کے ارکان کو اپنی تقریر جلد ختم کرنے کو کہا تھا تاکہ اعتماد کا ووٹ کا عمل پیر کو ہی پورا کیا جاسکے۔ اس سے ارکان نے احتجاج کیا۔

اس سے قبل بنگلور لیجسلیٹو کونسل کے رکن روی کمار نے کہا تھا کہ ممکن ہے کہ اسپیکر شام یا دیر رات تک کسی بھی وقت اکثریت ثابت کرنے کے لیے کہہ سکتے ہیں۔

روی کمار نے کہا تھا کہ بی جے پی کے ارکان اسمبلی تیار ہیں، مخلوط حکومت کی ہار یقینی ہے اور بی جے پی ہی ریاست کی اگلی حکومت کا جائزہ لے گی اور یدیورپا اگلے وزیر اعلیٰ ہوں گے۔