گلبرگہ: کورونا کے معاملات میں اضافہ

ریاست کرناٹک کے شہر گلبرگہ میں کورونا وائرس کے معاملات میں اضافہ ہوا ہے ۔ جس کے بعد گلبرگہ کے ایس پی نے سرحد پر سخت احکامات جاری کی ہے۔

کورونا کے معاملات میں ہو رہے اضافہ کے سبب مہاراشٹر کے سرحدی علاقے میں قائم چیک پوسٹ پر سخت اقدامات اٹھا نے کے لئے ضلع ایس پی ڈاکٹر سیمی مریم جارج نے متعلقہ عملہ کو ہدایت جاری کی ہے۔ الند تعلقہ کے ہیرولی کے قریب قائم چیک پوسٹ کارات میں انہوں نے دورہ کیا ۔گلبرگہ میں کرونا کے معاملات میں اضافہ کے سبب سرحد پر سخت اقدامات اٹھانے کے لئے ضلع ایس پی نے ہدایت جاری کی ہے ۔

کورونا معاملات میںاضافہ کے سبب مہاراشٹر سے گلبرگہ آنے والی گاڑیوں اور عوام پر کڑی نگاہ رکھی جارہی ہے ۔اور ان کی صحت کا معائنہ کر نے کے بعد 72 گھنٹوں والی آر ٹی پی سی آرمنفی رپورٹ پائے جانے کے بعد ہی انہیں سرحد کے اندر داخل ہونے کی اجازت دینے کی ہدایت دی ۔

انہوں نے کہا کہ سرحد پر اگر عملہ لاپرواہی برتتے ہیں تو ان کے خلاف کاروائی کی جائیگی۔