ریاست کرناٹک کے شہر گلبرگہ میں ہرسال ماہ رمصان کے موقع پر یہاں کے مسلم چوک، سنتراش واڑی، درگاہ روڈ اور دیگر مسلم علاقوں میں ماہ رمصان کے موقع پر لذیذ پکوانوں کی دکانیں لگتی تھیں لیکن لاک ڈاون کورونا وائرس کی وجہ سے یہاں کی تمام دکانیں بند رہنے پر یہاں کے بازاروں میں رمضان کی رونقیں پھیکی پڑچکی ہیں۔
یہاں کے بازاروں میں رمضان کے موقع پر بڑے پیمانے پر کاروبار ہوا کرتا تھا۔کئی پھل کی دکانوں، لذیذ پکوان کی ہوٹلیں، کپڑے کے بازار اور چپل کے بازاروں میں بڑے پیمانے پر عوام کا ہجوم جمع ہوا کرتا تھا لیکن لاک ڈاون کی وجہ سے سارا کاروبار بند ہو گیا ہے جس سے کئی چھوٹے بڑے دکاندار پریشان ہیں۔
اس لیے دکاندار حکومت سے مطالبہ کر رہے ہیں کہ پچھلے سال رمضان میں بھی کورونا وائرس کی وجہ سے ایسا ہی حال رہا اور اس سال 2021 کے رمضان میں بھی پوری طرح سے کاروبار بند ہے۔ اس لئے ریاستی حکومت چھوٹے دکاندار اور مزدور عوام کے لئے مالی امداد کا اعلان کریں۔
