کرناٹک شہر گلبرگہ میں علماء و مشائخین کی جانب سے اترپر دیش کے شیعہ وقف بورڈ کے سابق چیئرمین وسیم رضوی کے خلاف سخت قانونی کارروائی کر نے کا مطالبہ کر تے ہوئے گلبرگہ ڈپٹی پولیس کمشنر کو میمورنڈم پیش کیا گیا۔
اس موقع پر سید ید اللہ حسینی عرف نظام بابا جانشین حضرت خواجہ گنج بخش نے کہا کہ 'گستاخ وسیم رضوی مسلسل مسلمانوں کے جذبات کو ٹھیس پہنچانے کا کام کرتے ہیں۔
انہوں نے کہا کہ قرآن مجید واحد آسمانی کتاب ہے جو عالمی سطح پر ایک ہے۔ اس میں زیر وزبر کا بھی فرق نہیں۔ چودہ سو سالوں سے اس میں کوئی ترمیم نہیں کی گئی۔
انہوں نے کہا کہ گستاخ وسیم رضوی نے سپر یم کورٹ میں عرضی داخل کی ہے کہ قرآن مجید کی 26 آیتوں کو ہٹا یا جائے۔ انہوں نے کہا کہ یہ اللہ کی کتاب ہے۔ اس مقدس کتاب میں زیر زبر تک ہٹایا نہیں جاسکتا ہے۔
'اللہ نے خود اس کتاب کی حفاظت کی ذمہ داری لی ہے۔ اس طرح کے گستاخ افراد دنیا میں آئے اور گئے ۔ مگر اللہ کی کتاب آج بھی محفوظ ہے۔'
