گلبرگہ :بارش کے سبب بس سروس محدود

ریاست کرناٹک کے ضلع یادگیر میں بارش کی وجہ سے سڑکیں اورپلوں کے خراب ہونے کی وجہ سے ضلع یادگیر کے مختلف دیہاتوں کے لئے بس سروس کو روک دیا گیا ہے

ریا ست کے مختلف اضلاع میں ہوی موسلا دھار بارش کے سبب دیہی علاقوں میں سڑکیں زیر آب ہیں ۔اور کئی مقامات پر سڑکیں خراب رہنے ارو کئی چھوٹے پلوں کے ٹوٹنے کی وجہ سے بسوں کی آمد و رفت پر بھی خاصا اثر پڑاہے ۔

موسلا دھار بارش اور سڑکوں کی خراب صورتحال کے پیش نظر محکمہ کرناٹکا روڈ ٹرانسپورٹ کارپوریشن کی جانب سے چلائے جانے والی ضلعی یادگیر ڈپو سے مختلف دیہاتوں کو جانے والی بسوں کو محدود کر دیا گیا ہے

جس کی وجہ سے عوام کو بسوں کے لیے گھنٹوں انتظار کرنا پڑ رہا ہے

ضلع یادگیر سے گلبرگہ جانے والی بسوں کو بھی محدود کر دیا گیا ہے کیونکہ راستے میں آنے والا شاہ آ باد بریج پوری طرح بارش کے پانی کی وجہ سےلبریز ہے

اس کے علاوہ یادگیر سے شاہ پور ہو تے ہوئے گلبرگہ جانے والے راستہ بھی جورگی بریج کے پانی کے تیزبہاؤ کے پیش نظر بسوں اور دیگر گاڑیوں خدمات پر بھی روک لگادی گئی ہے ۔

اتوار کو ہفتہ واری تعطیل اور دسہرہ تہوار کے سبب لوگوں کو آمدو رفت اور خریداری میں دشواریاں پیش آرہی ہیں۔