اہم بات یہ ہے کہ اس بات کا خدشہ ظاہر کیا گیا ہے کہ کووڈ تیسری لہر میں زیادہ تر بچے متاثر ہوں گے۔ اس کے پیش نظر گلبرگہ ضلع انتظامہ کورونا وائرس کی تیسری لہر سے نمٹنے کے لیے بھرپور تیاری کرے۔
گلبرگہ ضلع انتظامیہ کو کورونا کی تیسری لہر سے نمٹنے کی تیاری کرنے کی ہدایت
کرناٹک کے ریاستی وزیر و گلبرگہ کے نگراں وزیر مرگیش نیرانی نے گلبرگہ ضلع انتظامیہ کو ہدایت دی کہ وہ کووڈ-19 کی تیسری لہر کو سنجید گی سے لے اور اس سے نمٹنے کے لیے قبل از وقت ہر ممکن اقدامات کرے۔
coronavirus
وزیر مرگیش بیرانی عہداروں کے ساتھ منعقد اجلاس سے مخاطب تھے۔ انہوں نے کہا ٹیسٹنگ اور علاج پر خصوصی توجہ دی جائے۔ اس کے لیے جہاں تک ہوسکے جدید ٹیکنالوجی کا استعمال کیا جائے۔
یہ بھی پڑھیں: کورونا کی تیسری لہر سے نمٹنے کے لیے کرناٹک حکومت تیار
وزیر نیرانی نے گلبرگہ ضلع انتظامہ سے کہا کہ وہ ضلعی لیول، گرام پنچایت لیول کے عہدیداروں پر مشتمل کیمٹی تشکیل دے اور اس کمیٹی کو یہ ذمہ داری دی جائے کہ وہ بچوں کے لیے کمیونٹی ہیلتھ سینٹر، میڈیکل کالجس اور ڈسرکٹ ہسپتال میں بیڈس کو محفوظ کرنے کے علاوہ دیگر ضروری سہولیات مہیا کروانے کے لیے اقدامات کرے۔