گلبرگہ: کووڈ کی تیسری لہر سے نمٹنے کے لیے انتظامیہ کمر بستہ

ریاست کرناٹک کے ضلع گلبرگہ میں کووڈ 19 کی تیسری لہر پھیلنے اور اس لہر کا اثر بچوں پر زیادہ ہونے کے خدشے کی پیش نظر ضلع میں بچوں کی صحت پر خوصی توجہ دینے اقدمات کئے جارہے ہیں۔

گلبرگہ ضلع ڈپٹی کمشنر واسو ریڈی وجیا جیوتسنا نے کہا کہ ضلع میں کووڈ 19 کی تیسری لہر میں بچوں کی صحت کے تعلق سے خوصی توجہ دیتے ہوئے ایک دن سے 6 سال تک کی عمر کے 3.6 لاکھ بچے، 7 برس سے 11 برس کی عمر کے 28 لاکھ اور 12 برس سے 14 برس کی عمر کے 1.46 لاکھ بچے ہیں۔

ان تمام بچوں کو کووڈ 19 کی تیسری لہر سے محفوظ رکھنے کے لیے ہمیں خصوصی توجہ کرنے کی ضرورت ہے۔

گلبرگہ ضلع کے تعلقہ ہسپتالوں میں موجودہ ہر ہسپتال میں 50 آکسیجن بیڈس میں 100 بیڈس تک اضافہ کر کے ان میں سے 30 بیڈس بچوں کے لیے مختض کئے جائیں گئے۔ ان میں سے 5 بیڈس کو آئی سی یو بیڈس میں تبدیل کیا جا ئے گا۔

گلبرگہ ڈپٹی کمشنر نے مزید بتایا کہ گلبرگہ ضلع کے ہر تعلقہ ہسپتال میں آکسیجن پلانٹ قائم کیا جائے گا جس کے لیے تیاریاں چل رہی ہیں۔