گائید لائن کے ساتھ عبادت گاہوں کو کھولنے کی اجازت دی جائے: وینو گوپال

کرناٹک میں کورونا وائرس کے بڑھتے کیس کو دیکھتے ہوئے ریاستی سرکار نے 14 کا مکمل لاک ڈاؤن لگایا ہے۔ جس میں عبادت گاہوں کے اندر اجتماعی عبادت کرنے پر روک لگائی گئی ہے۔ سوامی ویویکا نند آشرم کے سوامی نے کہا ہے کہ سرکار کو چاہیے کہ ماسک، سینیٹائزر پر عمل پیرا ہوکر مسجد، گوردوارہ، مندر میں عبادت کی اجازت دی جائے۔

کورونا وائرس کی دوسری لہر کی بڑھتی ہوئی شدت کو دیکھتے ہوئے ریاست کرناٹک میں 14 دن کا لاک ڈاؤن لگایا گیا ہے۔ جس میں عبادت گاہوں پر بھی پابندی عائد کردی گئی ہے۔

سوامی ویوکا نندا آشرم یادگیر کے ڈسٹرکٹ کوآرڈینیٹر سوامی وینو گوپال نے ای ٹی وی بھارت سے بات کرتے ہوئے کہا کہ اس بار بھی لاک ڈاؤن لگایا گیا ہے۔ جس میں عبادت گاہوں کے اندر لوگوں کے جمع ہوکر عبادت کرنے پر روک لگائی گئی ہے۔ سرکار کو چاہیے کہ ماسک، سینٹائزر پر عمل پیرا ہوکر مسجد، گوردوارہ، مندر میں عبادت کی اجازت دی جائے۔

سعودی عرب اور دیگر ممالک سے ملک کو آکسیجن دیے جانے پر خوشی کا اظہار کرتے ہوئے کہ آج کوئی ملک بڑا اور چھوٹا نہیں ہے ہر ملک ایک دوسرے کی تکلیف میں قدم ملا کر کھڑے ہوئے ہیں یہ خوش آئند بات ہے۔کورونا وبا ختم ہونے کے بعد بھی اسی طرح کے تعلقات اور خیالات اور دوستانہ مراسم ہمیشہ رکھنا چاہیے۔