'ایک زبان کو قومی زبان کا درجہ دینا درست نہیں'

ریاست کرناٹک کے ضلع بیدر کے راشٹریہ مسلم مورچہ کے صدر نے کہا کہ بھارت میں مختلف مذاہب کے لوگ آباد ہیں اور اسی طرح ان کی زبانیں بھی مختلف ہیں جو ان کی شناخت بھی ہیں۔

ضلع بیدر کے راشٹریہ مسلم مورچہ بسواکلیان کے صدر اکرام الدین کھادی والے نے ہندی زبان کو قومی زبان کا درجہ دیے جانے کے امیت شاہ کے بیان پر ای ٹی وی بھارت سے بات کرتے ہوئے کہا کہ ہمارے ملک میں مختلف مذاہب کے لوگ آباد ہیں جو الگ الگ تہذیب کے ہیں اور ان لوگوں کی اپنی اپنی مادری زبانیں ہیں اور یہ ممکن ہی نہیں ہے کہ زبردستی کسی ایک زبان کو قومی زبان کا درجہ دیا جائے۔

انہوں نے کہا کہ جس طرح بھارت میں مختلف مذاہب کے لوگ آباد ہیں اسی طرح ان کی زبانیں بھی مختلف ہیں جبکہ ملک میں بولی جانے والی تمام زبانیں ہماری اپنی ہیں۔

اکرام الدین نے کہا کہ ہمیں ایک دوسرے کی مادری زبان کا پاس و لحاظ رکھنا چاہیے

انہوں نے مزید کہا کہ زبان کا تعلق ریاست اور وہاں کی تہذیب و ثقافت سے ہوتا ہے اور تہذیب و ثقافت ہی انسان کی شناخت ہوتی ہے۔

اکرم الدین کھادی والے نے کہا کہ کسی ایک زبان کو قومی زبان کا درجہ دینا درست نہیں ہے۔