بیدر، کرناٹک: مسلم لڑکیوں کو ارتداد سے بچانے کے لیے دینی تعلیم ضروری

مولانا مونس کرمانی نے کہا کہ مسلم لڑکیوں کا غیر مسلم لڑکوں سے شادی کرنے کے واقعات میں اضافے کا سبب گھروں میں دین کا نہ ہونا ہے جس سے مسلم لڑکیوں کی دنیا و آخرت دونوں برباد ہورہی ہیں۔ انہوں نے کہا کہ دین اسلام ایک مکمل پاک صاف اور نجات والا دین ہے جو کوئی اس دین سے دوری اختیار کرے گا اس کی دنیا و آخرت دونوں تباہ و برباد ہوگئی۔

مولانا مونس کرمانی صدر صفا بیت المال بیدر نے ای ٹی وی بھارت سے خصوصی بات کرتے ہوئے کہا کہ آئے دن سوشل میڈیا اخبارات میں مسلم لڑکیوں کے مرتد ہونے کی خبریں اور واقعات میں اچانک اضافہ ہوا ہے جو کافی افسوس کی بات ہے۔

مسلم لڑکیوں کا غیر مسلم لڑکوں سے شادی کرنے کے واقعات میں اضافے کا سبب گھروں میں دین کا نہ ہونا ہے جس سے مسلم لڑکیوں کی دنیا و آخرت دونوں برباد ہورہی ہیں۔ انہوں نے کہا کہ دین اسلام ایک مکمل پاک صاف اور نجات والا دین ہے جو کوئی اس دین سے دوری اختیار کرے گا اس کی دنیا و آخرت دونوں تباہ و برباد ہوگئی۔

مولانا نے کہا کہ ہم اپنے لڑکیوں کی دنیا و آخرت سنوارنے کے لیے انہیں دنیاوی تعلیم کے ساتھ ساتھ دینی تعلیم بھی ضرور دیں جب لڑکیوں میں دین آئے گا تو خوف خدا پیدا ہوگا اور اس طرح کے واقعات نہیں ہوں گے۔

مولانا مونس کرمانی نے سرپرستوں اور والدین سے اپیل کرتے ہوئے کہا کہ اپنے بچوں کو دنیاوی تعلیم کے ساتھ ساتھ دینی تعلیم پر بھرپور توجہ دیں جس سے لڑکیوں اور لڑکوں کی دنیا و آخرت دونوں کامیاب ہو۔