کورونا وبا کے باعث گنیش تہوار کی گہما گہمی میں کمی

ملک میں کورونا وبا کے باعث تہواروں کی رونقیں بھی معدوم ہوگئی ہیں جبکہ ونائک چتورتھی کے موقع پر گنیش کی مورتیوں کی خریداری میں کافی حد تک کمی دیکھی گئی۔

ریاست کرناٹک کے گلبرگہ شہر میں ہر برس گنیش تہوار کے موقع پر بڑے پیمانہ پر گنیش کی مورتیوں کو خریدا جاتا تھا تاہم اس سال وبا کے چلتے گنیش کی مورتیوں کی خریدی میں کافی حد تک کمی ہوئی ہے۔

اس دوران یہاں کے ایک دکاندار نے بتایا کہ ہر برس ان کی دکان میں پانچ سو تا چھ سو گنیش کی مورتیوں کی فروخت ہوتی تھی تاہم اس سال صرف دو تا تین سو گنیش مورتیاں ہی فروخت کی گئی۔

کوویڈ وبا اور لاک ڈاون کی وجہ سے عوام کو کافی مشکلات پیش آرہی ہے اس لیے عوام تہوار سادگی سے منانے کےلیے مجبور ہے۔