کرناٹک: کانگریس رہنما کے چار ملازمین کورونا مثبت

کرناٹک میں کورونا کا قہر جاری ہے اور یہ پھیلتا ہی جارہا ہے۔ کانگریس رہنما دنیش گنڈو راؤ کے چار ملازموں کی رپورٹ پازیٹو آئی ہے جس سے سیاسی حلقوں میں ہلچل تیز ہوگئی ہے۔

کانگریس کے رہنما دنیش گنڈو راؤ کی اہلیہ تبو گنڈو راؤ نے بتایا کہ ان کے چار ملازمین کورونا مثبت پائے گئے ہیں۔

تبو نے ٹویٹ میں کہا کہ "افسوس کی بات ہے کہ ہمارے پی اے، ایک اور گن مین اور دو گھریلو ملازمین کورونا پازٹیوں نکلے ہیں۔ شکر ہے کہ ہم سب کی رپورٹ منفی آئی ہے۔ آج سے 10 سے 14 دن کے لیے ہم ہوم قرنطینہ میں رہیں گے کیوینکہ ہم ان کے رابطے میں تھے۔''

وزارت صحت اور خاندانی بہبود کی وزارت کے مطابق کرناٹک میں 23،474 کورونا وائرس کے کیسز ہیں جن میں 13،255 ایکٹیو کیسز ہیں جن میں سے 372 افراد کی اموات ہوچی ہیں۔