یادگیر: ضلع بی جے پی دفتر میں منائی گئی سابق وزیراعظم کی برسی

ریاست کرناٹک کے ضلع یادگیر میں بی جے پی کے ضلعی دفتر میں آج سابق وزیر اعظم اٹل بہاری واجپئی کی دوسری برسی منائی گئی۔

اس موقع پر ضلع یادگیر کے بی جے پی صدر ڈاکٹر شرن بھوپال ریڈی نے سابق وزیر اعظم اٹل بہاری واجپئی کی تصویر پر گلپوشی کرتے ہوئے انہیں خراج عقیدت پیش کیا۔

شرن بھوپال ریڈی نے سابق آنجہانی وزیر اعظم اٹل بہاری واجپئی کے کارناموں کا ذکر کرتے ہوئے کہا کہ وہ بی جے پی کی شناخت تھے، اٹل بہاری واجپئی کا دور اقتدار ایک صاف ستھرا امن اور شانتی کا دور تھا۔

پردھان منتری سڑک یوجنا کے تحت انہوں نے نیشنل ہائی وے اور اسٹیٹ ہای وے کو کافی ترقی دی۔

بی جے پی رہنما سبنا گرمٹکل نے کہا کہ پارٹی کے تمام قائدین کو اٹل بہاری واجپئی کے نقش قدم پر چلنے کی ضرورت ہے، اس موقع پر ضلع یادگیر بی جے پی پارٹی کے دیگر ذمہ داران بھی موجود تھے۔