بنگلور: کنڑا ٹی وی اینکر کے خلاف مقدمہ درج

ریاست کرناٹک کے دارالحکومت بنگلور میں لاک ڈاؤن کے درمیان شادی کا اہتمام کرنے کے الزام میں ایک کنڑا ٹی وی اینکر کے خلاف مقدمہ درج کیا گیا ہے۔ اس شادی میں تقریبا 20 افراد شریک ہوئے تھے۔

کورونا وائرس کے پھیلاؤ کو روکنے کے لیے پورے ملک میں لاک ڈاؤن نافذ ہے اور کسی بھی طرح کی سرگرمی پر پابندی ہے۔ اس کے باوجود ریاست کرناٹک کے دارالحکومت بنگلور کے قریب واقع ایک ریزورٹ میں شادی کا اہتمام کرنے کے الزام میں ایک کنڑا ٹی وی اینکر کے خلاف ایف آئی آر درج کی گئی ہے۔

بنگلور ریزورٹ کے قریب مقیم مقامی افراد کے ذریعہ پولیس کو 18 اپریل کو ہوئے اس پروگرام کے بارے میں اطلاع ملی تھی۔

پولیس کے مطابق تقریبا 20 افراد شادی میں شریک ہوئے تھے۔

کنڑا ٹی وی اینکر کے خلاف مقدمہ نیشنل ڈیزاسٹر منیجمنٹ ایکٹ (این ڈی ایم اے) کے تحت اور تعزیرات ہند کی دفعہ 188 اور 269 کے تحت درج کی گئی ہے۔